網絡保安動畫

遙距工作及視像會議安全攻略

黑客之日常第一集會教大家點應對遙距工作所遭受嘅惡意入侵。當中提到加密措施嘅好處，仲有6 個遙距工作保安貼士，同埋視像會議自保招式，大家一齊睇片啦

雲端保安要做足確保資料無漏出

今次黑客阿強又再出動，想入侵公司老闆阿進嘅網店系統，究竟今次資訊保安顧問志安有咩方法拆解呢？呢段片會教大家做足雲端服務配置三步曲，以及有關雲端安全嘅五個措施啦~

釣魚攻擊要小心 不明電郵咪亂開

釣魚郵件經常出現，除咗常規培訓提升同事對釣魚郵件嘅防範之外，仲要提醒佢哋定期更新系統程式及保安軟件嘅病毒識別碼。黑客識得根據個人喜好去度身訂造釣魚電郵，一齊睇睇資訊保安顧問志安有邊7招應對釣魚電郵，提醒同事唔好中招啦！

注意物聯網保安 享受智慧生活

智慧辦公室配合物聯網（IoT）可以增加工作效率，但喺安裝嘅時候要打醒精神，以免黑客有機可乘，入侵公司系統。其中最重要嘅係密碼管理，無論係Wi-Fi網絡，定係物聯網裝置，都要用高強度密碼去保護。除此之外，仲有咩嘢地方需要留意呢？聽聽資訊保安顧問志安嘅網絡保安貼士啦～